Luk 22 | KMG | STEP | Goreŋ sowa juhuc aakic hombaŋ ŋeŋe irec dameŋ bembeŋkewec.

Luke 22

Judazi Jesu doc baocte musanaŋkewec

(Mat 26: 1-16” Maò 14: 1-11” Joh 11: 45-53)

1 Goreŋ sowa juhuc aakic hombaŋ ŋeŋe irec dameŋ bembeŋkewec. 2 Ehame taha bapa micne â miti qaqazu jaŋe ŋic araŋ bajarembiŋte Jesu weniŋuc ecnepene arictac ezejec muhuc hata basahuc jumbiŋ. 3 Iŋuc ehuc juhapie Sataŋzi Jesure motec moc šâŋene Juda Karioto haeonec ere maŋko hume 4 taha bapa micne â ufuŋte polismaŋ micne jaŋerao rarâ Jesu doc bame roniŋte dâŋ mumocke-jarewec. 5 Eme jaŋe manarâ bujeŋic biaŋkeme furine moneŋ râcneniŋte mujomirembiŋ. 6 Mupie dâŋjeŋic reŋkehuc ŋic jaŋe hone manac mi ehapie soŋsoŋko doc bame roniŋte hone qatarac ehuc juwec.

Jesu â motecfâcne aakic lama nâmbiŋ

(Mat 26: 17-19” Maò 14: 12-16)

7 Ehame goreŋ sowa juhuc aakic lama hezuniŋte hombaŋ maickeme 8 Jesuzi Petoro â Johane šiŋuc muhuc sorec-jofawec: “Ŋohe rarâ aakic lama hezu rikec ehapire fâpene nânšepeŋeŋ.” 9 Mume jahe šiŋuc muhuc wiocnepic: “Fic wena hezu rikec ezeperec?” 10 Eme šiŋuc jasawec: “Mananic, ŋohe haeo ferâ ŋic moc opâ râqâchec bâfuarâ bâjâperâ, ficko feme fenic. 11 Ferâ fic rune šiŋuc âzâcneniŋ: `Qaqazuzi gore šiŋuc mukac, fic maŋne wena motecfâc-nane jaŋehec aakic lama nanaŋmu? Ž 12 Iŋuc âzâcnepire fic maŋne kâcɋene moc ŋeŋe fofo wiac rumacke emasaŋ ekicne ŋofatume ira aakic lama rike bâmoc ezepirec.” 13 Eme jahe rarâ wiac muwec sâc bâfuarâ aakic lama rike bâmoc epic.

Aakic lama nârâ Ŋafe Tiwa gumec-jopawec

(Mat 26: 20-29” Maò 14: 17-25” Joh 13: 21-26” Koò I, 11: 23-26)

14 Eme nâzo dameŋ maickeme motecfâcne gâcne rocjopame fisirâ nâmbiŋ. 15 Ehuc šiŋuc jazawec: “Ʒâic dameŋ-nanezi bâmbeŋnuhame aakic lama ši ŋoŋehec nâpemurâ boc enarejec. 16 No mupe mananiŋ: No aakic lama mocwâc mi nânâ juhape Anuture uucmaŋko fâri fideteŋ eocmu.” 17 Iŋuc murâ waiŋ râqâc rorâ daŋge murâ šiŋuc jazawec: “Ŋoŋe rorâ nâ nareŋ gareŋ eniŋ. 18 No ŋazape, waiŋ opâ mocwâc mi nânâ juhape Anuture uucmaŋ fua tâcnezokac.” 19 Dâŋ i murâ poroŋ rorâ daŋge murâ bazurâ šiŋuc muhuc jarewec: “Kecši fâri-nane, [i ŋoŋere erâ qikiŋnekicne. Nore manasuhuc iŋuc nânšepieŋ.” 20 Nânâ nâpie waiŋ râqâc rorâ iŋuc jaha jarehuc muwec: “Râqâc kecšira šâšâfic ɋâricnere socnane ŋekac. I ŋoŋere erâ qikiŋnekicne.Ý 21 Erâ manaŋgopieŋ, doc bacnuocmu eki nohec tebo šira wiac mâmâc ro nâc ehuc ŋekoperec. 22 Ŋic Fâri Wâtuŋne e hata mušâwecnekicne ijaha raocmu. Á doc baocmu e ine, jei okacne mo iŋucne roocmu.” 23 Iŋuc mume motec jaŋe guru-jeŋickonec mozi i eocmu muhuc wiwioc embiŋ.

Motec jaŋe hehefaric embiŋ

(Mat 20: 25-28” Maò 10: 42-45)

24 Eku wâc motec jaŋe nâŋâcnaonec mozi femicne-nâŋec jukac muhuc hehefaric embiŋ. 25 Epie Jesuzi šiŋuc jazawec: “Mâreŋ ŋicwofuŋ jaŋe ŋiczi kiŋaŋ qajareeŋgopieŋ â fekicne sâko jaŋe omanezi mumbiaŋ-jopaeŋgopieŋ. 26 Ŋoŋerao ine iŋuc mi fuazejec. Ŋoŋerao kâcɋenezi piticnere sâc juzejec, â micnezi kiŋaŋ qaqare sâcko juzejec. 27 Me ŋoŋe muniŋ, wenimo izi fekicne? Nânâ mâc ŋehuc nâocmu eki fekicne, me rike bâmoc eocmu eki fekicne? Mâc ŋehuc nâocmuzi fekicne, i manaeŋgopieŋ. Noni ine ŋoŋere ŋondeŋko kiŋaŋ qaqa iŋucne erâ juekopac. 28 Ŋoŋe hâcne šârâ hâriŋ maŋko jupe jujufâc-nane jueŋgopieŋ. 29 Eme Mamac-nanezi guriŋ bapa gie munarewec iŋuc jaha noni ŋoŋe muŋarekopac, 30 ŋoŋe nore uucmaŋko tiwâ nâ šeri eniŋte â ŋicwofuŋ ŋeŋeo ŋehuc Israe ŋicguru 12 jaŋere dâŋ mutaraniŋte.

Petoro uŋ âzâcnewec

(Mat 26: 31-35” Maò 14: 27-31” Joh 13: 36-38)

31 “Simoŋ, Simoŋ, padi saja bapie wosâeekac iŋuc jaha Sataŋzi ŋoŋe ere meo fepie saja bacŋopaocte mujec. 32 Eme noni ine mamanasiŋge omaezacte gore erâ numupac. Irec go miti hatao mocwâc risierâ qomâfâcge keteŋ-jopazemec.” 33 Mume Petorozi šiŋuc âzâcnewec: “Wofuŋ, go kâpâcwâruo me hâmocko fâtec fâpemu.” 34 Eme Jesuzi muwec, “Petoro, no gazape manac, qâqâczi miŋecgac ŋafeo mi dâŋehame goki jahec â moc micnucmu.”

35 Iŋuc murâ muwec, “Noni moneŋ tâmiric â he tâmiric â kikehuhu tâmiric sorec-ŋopape ra basac qasac moc embiŋ me?” Eme jaŋe mumbiŋ, “Iŋuc aricne jâmbâŋ.” 36 Mupie šiŋuc šuhuckewec: “Á dameŋ šiŋuczia ine moc e moneŋ focnekacko ro bajuzejec, â moc e hemotec focnekacko rupe juzejec, â moc e šika basahuc ŋaqi qikiŋneme moc kitâcnecnezejec. 37 No mupe mananiŋ, findaŋdâŋ moc šiŋuc qâreŋkekicne: `E šika qaqa jaŋere guruo râembiŋ', dâŋ i norao fârinehuc eocmu. Erâ nore dâŋ mukicne i mâmâc sasawa sanaŋke-fâreocte dameŋ maickekac hâcne.” 38 Mume motec jaŋe šiŋuc âzâcnembiŋ: “Wofuŋ honec, ši šika jajahec fokopirec.” Eme muwec: “Sâcne.”

Gezemane jufuo rambiŋ

(Mat 26: 36-46” Maò 14: 32-42)

39 Eme ŋeku Jesu e ŋafe sâc ejujec iŋuc erâ hae beherâ Oliwa tikio feme motec jaŋe bâjâpembiŋ. 40 Eme jujujecko fisirâ motecfâcne šiŋuc jazawec: “ŋoŋe eesâicko dockenšipiŋte numuniŋ.” 41 Iŋuc murâ qânâ wickepene raekac irec sâc rarâ dieŋzi herâ šiŋuc muhuc numuwec: 42 “Mamac, go manatec sâckeme mutec šâic guru šizi nowaruoc. Erâ nore dâŋ mâcne, gore dâŋ sanaŋkezejec.” [ 43 Iŋuc muhame sambâŋkonec aŋelo moczi waharâ basanaŋkewec. 44 Eme maŋzi šâic hâhâwicne ecneha fotariehuc numuwec. Ehame fofoŋac-ticne soc šâmbâŋ iŋucne tâcnehuc mâreŋko wahawec.Ý 45 Numuku faharerâ motecfâcne jaŋerao rarâ honec-jopawec: Jaŋe busâqoczi bâdoc-jopame betaŋkerâ guŋ fombiŋ. 46 Fohapie jazarâ muwec: “Ŋoŋe wemocte guŋ foŋgopieŋ? Eesâicko dockenšipiŋte faharerâ numuniŋ me!”

Jesu rombiŋ

(Mat 26: 47-56” Maò 14: 43-52” Joh 18: 2-11)

47 Iŋuc muhuc domahame mi râsi guru ututuŋ fisinšepieŋ i¡ Eme motec jaŋere âgo moc šâŋene Juda, eki micne bajarehuc Jesurao rarâ muduckewec. 48 Muduckeme Jesuzi šiŋuc âzâcnewec: “Juda, go wemocte Ŋic Fâri Wâtuŋne e muduckehuc doc bakomec?” 49 Eme Jesure kikefuŋfâc jaŋe wiac fuazo eme honerâ mumbiŋ, “Wofuŋ, šikazi jopanaŋ me?” 50 Iŋuc murâ jaŋeraonec moczi taha bapa sâkore kiŋaŋ motec šikazi qaocte hazecne fâreopec i qatarawec. 51 Eme Jesuzi i honerâ muwec: “Ŋoŋe beheniŋ.” Iŋuc muhuc ŋic hazec-ticne bâuahuc bâsomiewec. 52 Erâ taha bapa micne â ufuŋte polismaî micne â soŋaŋ e roniŋte fisimbiŋ jaŋe šiŋuc jazawec: “Ŋoŋe nore manapie šika qaqa eme šika qaruc-ŋeŋichec fisirâ rocnuŋgopieŋ me? 53 No šoaŋne šoaŋne taha ufuŋko ŋoŋehec juekopac, ehame ŋoŋe ira mi rocnumbieŋ. Ʒi ine ŋoŋere dameŋ maickekac â dapâcte tâpiri fua tâcnekac.”

Petorozi Jesu mickewec

(Mat 26: 57-58” 69-75” Maò 14: 53-54, 66-72” Joh 18: 12-18, 25-27)

54 Eme jaŋe Jesu rorâ bararâ taha bapa sâkore ficko bafembiŋ. Ehame Petoro e fisi fâresuc ehuc šâhec rawec. 55 Eme momori jaŋe sacmaŋko raširâ šoc ruqerâ ruahuc ŋehapie Petoro e iŋuc jaha raširâ ŋondeŋ-jeŋicko ŋewec. 56 Ŋehame kiŋaŋ naru moczi fisirâ hone dedeŋnehuc muwec, “Ŋic keci ehec juekac wâc.” 57 Eme Petorozi mic bahuc muwec, “Ŋokac, no e mi honeekopac.” 58 Iŋuc murâ ŋeme mi šorahame ŋic moczi honerâ muwec, “Go hâcne jaŋere guruonec.” Eme Petorozi muwec, “ŋic go, no aricne.” 59 Eme šâhec ŋic moczi fisirâ musanaŋkehuc muwec: “Á ŋic kecši jâmbomac ehec juekac, e Galilaia ŋic jaha.” 60 Mume Petorozi muwec, “Ŋic go dâŋ mutec kâuc bakopac.” Muhame izia qâqâczi dâŋewec. 61 Eme Wofuŋzi forisierâ Petororao šâŋe fime Petoro e Wofuŋzi dâŋ šiŋuc âzâcnewec i manasuwec: “Qâqâczi mi dâŋehame go jahec â moc mic bacnucmu.” 62 Dâŋ i manasurâ bune herickeme ra kio sâqorewec.

Jesu taha bapa sâkore ficko wiac kosa ecnembiŋ

(Mat 26: 59-68” Maò 14: 53-65” Joh 18: 19-24)

63 Jesu soŋaŋkehuc domambiŋ ŋic i jaŋe mu šerec ecnehuc 64 šâŋe maine bâsoŋkerâ qahuc mumbiŋ, “Go porofete jukomeczi ŋic gukac ere šâŋe muc.” 65 Erâ âke sisic wiac gâcne mâmâc ecnembiŋ. 66 Ehapie hae fureme micne guru, taha bapa micne â miti qaqazu hâcne, jaŋe sasawa tumaŋne-fârerâ mupie Jesu guru-jeŋicko bafepie dâŋ šiŋuc âzâcnembiŋ: 67 “Go Kristo jukomecko mufua-nârec.” Mupie šiŋuc jazawec: “No ŋazape mi mananiŋmu, 68 me indiŋ-ŋopape ŋifecne sâcne wâc mi nazaniŋmu. 69 Ʒi ine ŋic Fâri Wâtuŋne e Anutu tâpiri rune fârenao ŋeocmurâ dameŋne maickekac.” 70 Mume manarâ mâmâc sasawa šiŋuc âzâcnembiŋ: “Eme go Anuture Ŋokâ ine hâcne?” Eme muwec, “Ine hâcne.” 71 Mume mumbiŋ: “Wemocte dâŋgie mocwâc banaŋmu, ši e jahacne mickonec wahame manaŋgopeneŋ.”